Kanosi me armë gruan, arrestohet 44-vjeçari në Krujë

Në prangat e polivisë ka rënë një 44-vjeçar pasi ka kanosi me armë bashkëshorten e tij në Krujë. Policia arriti të ndërhyjë në kohë për të parandaluar përshkallëzimin e konfliktit familjar.

Sipas policisë ngjarja ka ndodhur për motive të dobta dhe më pas Zek Prenga kërcënoi me automatik gruan e tij 47-vjeçare V.P. Policia gjatë kontrollit në banesë i gjenden dhe sekuestrohen  një armë zjarri automatik, thikë dhe 80 fishekë.

“Specialistët për Krimet në Komisariatin e Policisë Krujë, në sajë të ndërhyrjes së shpejtë dhe veprimeve të specializuara, mbrëmjen e djeshme kanë bërë të mundur parandalimin e përshkallëzimit të pasojave të rënda si rezultat I një konflikti familjar”.  thuhet në njoftimin e policisë.

I arrestuari është person me preçedentë penalë të mëparshëm për dhunë në familje. Materialet i kaluan Prokurorisë së Rrethit Gjyqësor Krujë për veprime të mëtejshme. (J.V/Shuplaka)