Një 18 vjeçar është kanosur dhe grabitur të shtunën në qendër të Tiranës në Sheshin Nënë Tereza. Dy agresorët i kanë kërkuar 200 mijë lekë, që adoleshenti nuk ka pranuar t’ua japë. Në këto kushte ato kanë arritur ti marrin me dhumë një orë “Guess” dhe një telefon “Samsung”. Policia tha se dy personat janë arrestua në kushtet e flagrancës.
Në pranga kanë rënë:
1.Albin Zeqirllari, 26 vjeç, banues në Tiranë.
2.E. K., 17 vjeç, banues në Tiranë.
“Arrestimi i këtyre shtetasve u bë pasi, më datë 05.11.2016, ka bërë kallzim shtetasi F. Sh., 18 vjeç, banues në Tiranë. Në afërsi të Sheshit “Nënë Tereza”, pas një mosmarrveshje, shtetasit Albin Zeqillari dhe E. K., e kanë kanosur si dhe goditur, duke arritur ti marrin,aparatin telefonik të markës “Samsung”, një orë dore të tipit “Guess” dhe një varse floriri. Sende të cilat do tia kthenin pasi F. Sh., ti jepte shumën prej 20.000 lekë (të reja)”, thuhet në njoftimin e policisë.
Gjithashtu janë sekuestruar edhe sendet e grabitura. Autorët akuzohen për “Shtrëngim me anë të kanosjes, dhunës për dhënie pasurie” e kryer në bashkëpunum.