Anarkistët grekë kanë sulmuar gjatë mbrëmjes së djeshme mjetet e transportit publik në qendër të Athinës. Mësohet se ata kanë zbritur pasagjerët e tre autobusëve dhe më pas u kanë vënë flakën.
Mediat greke shkruajnë se fatmirësisht askush nuk mbeti i lënduar. Burime të policisë shprehen se ngjarja ndodhi në qendër të kryeqytetit grek, në afërsi të “Athens Polytechnic”.
Ky incident nuk ishte i vetmi i shënuar gjatë natës në Athinë. Një tjetër grup anarkistësh dëmtuan stacionin e autobusëve me zonën rezidenciale Kifisia të Athinës.
Ngjarjet në Athinë ndodhën në të njëjtën datë, në hark kohor të ndryshëm, me ato të shënuara në Turqi, Zvicër dhe Gjermani. (XH.A/SHUPLAKA)
Discussion about this post