Incidente dhe kaos janë shënuar në funeralin e gjeneralit iranian Qasem Soleimani, i cili po mbahet gjatë ditës së sotme.
Mediat ndërkombëtare raportojnë se si pasojë e shtyrjes së turmave mes njerëzve 45 persona kanë humbur jetën dhe dhjetra të tjerë janë plagosur.
Personat që kanë humbur jetën dëshironin të shikonin arkivolin e gjeneralit Qasem Soleimani, dhe për këtë shkak janë shtypur mes tyre.
Në varrimin e Soleiman përllogaritet të marrin pjesë mijëra persona, të cilët kërkojnë që ti japin nderimet e fundit njeriut të dytë më të fuqishëm të Iranit, i cili u vra në një sulm me raketa, të lëshuara nga dronet e SHBA-së.
Shtetet e Bashkuara e panë Soleiman si një terrorist dhe një kërcënim për trupat amerikane.
Presidenti Trump miratoi një qëndrim të ashpër kundër Iranit pas zgjedhjeve të tij dhe Teherani u përgjigj me fushatën e tyre.
Tensionet u ngritën më tej muajin e kaluar pasi SH.B.A. sulmuan një militani të mbështetur nga Irani në Irak për të cilën fajësohej për sulme ndaj forcave amerikane.
(E.K/Faxweb.al)
Discussion about this post