Në “Qendrën Tregtare Toptani” në kryeqytet janë duke përjetuar një stres të madh qytetarët. Prej disa orësh ata kanë mbetur të bllokuar në parkingun e qendrës tregtare pasi është krijuar një rrëmujë e madhe në qarkullim dhe automjetet kanë ngelur të bllokuara. Ashtu siç shihet edhe nga pamjet e këtyre videove dëgjohen të bërtitura nga qytetarët dhe borie makinash që nuk pushojnë pasi qytetarët janë të irrituar nga pritja e madhe dhe nga trafiku i krijuar.
Shqetësimin më të madh e kanë familjarët dhe prindërit që kanë me vete fëmijë të vegjël, pasi për ta nuk është një situatë nomale dhe e favorshme. Në këtë rrëmujë dhe trafik të madh nuk mungon as ajëri i ndotur nga tymi i çliruar nga atomjetet. Shumë qytetarë janë ankuar për këtë situatë. Madje një prej tyre shpehet se për një orë ai ka ngelur i bllokuar në katet e nënsheshme, -3 dhe -4 të parkingut. Duhet të theksojmë që punonjësit e menaxhimit të parkingut kanë qenë të papërgatitur për të pritur fluksin e vizitorëve në qendrën e re tregtare. Punonjësit janë përplasur edhe me shoferët e irrituar të cilët nga pritja e madhe nuk kanë mundur të ruajnë qetësinë. Po kështu ky makth në këtë qendër tregtare, “Toptani” vazhon edhe në këto momente. Madje shumë ankesa vijnë edhe nga qytetarët.
Një qytetar i është drejtuar Shuplakës ku shpehet se mijëra blerës janë ende të bllokuar në katet e parkingut të kësaj qendre tregtare, ku na ka dërguar edhe këto pamje filmike.
“Te përshendes, uroj të jesh mirë me shëndet. Nuk e di nëse te intereson, po sot me mijra blerës në qendrën Toptani kanë përjetuar një stres të madh pasi kanëmbetur me orë të bllokuar në parkingun e qendrës tregtare. Shqetësimin më të madh e kanë ndier prinderit që kishin femijë të vegjël në borde, që janë përballur me tymin e qindra automjeteve të ndezura që nuk kanë lëvizur nga vendi të bllokuara me shumë se një orë në katin -3 dhe -4 të parkingut. Punonjësit e menaxhimit të parkingut kanë qenë të papërgatitur për të pritur fluksin e vizitorëve në qendren e re tregtare. Ç’ka është shoqëruar me boritë e takuara të shofereve të irrituar nga pritja të cilët janë përplasur edhe verbalisht me punonjësit. Makthi i trafikut në parkingun Toptani vijon. Po të dergoj edhe disa minivideo të filmuara para 1 ore”, ankohet qytetari për këtë situatë të krijuar në “Qendrën Tregtare Toptani”. (J.V/Shuplaka)
