Paralizimi i transportit urban për shkak të protestës së linjave në Gjirokastër ka sjellë situatë kaotike për udhëtarët. Jemi në ditën e 3 e protestës dhe një situatë e tillë nuk po merr zgjidhje.
Po ashtu gjatë protestës së sotme ka ndodhur një situatë e paprecedentë. Efektivë të policisë së shtetit iu kanë kërkuar protestuesve të largohen nga vendi i ngjarjes duke u shprehur se qytetarët ishin duke shkelur ligjin. Nga ana tjetër protestuesit të revoltuar janë shprehur, “ Nuk dalim nga greva, jemi duke protestuar paqësisht. Ne nuk e kemi bllokuar rrugën, do të përgjigjeni ju përpara ligjit nëse na largoni.”
Përsa i përket protestës së drejtuesve të linjave urbane pakënaqësi kanë shprehur edhe qytetarët. Ata shprehen se një situatë e tillë ka sjellë vështirësi edhe për vetë udhëtarët të cilët nuk po gjejnë dotë mjet transporti për të lëvizur.
Madje me ironi shprehen se do të ikin në këmbë deri në destinacionin përfundimtar pasi qarkullimi rrugor ka ngrirë.
Nga ana tjetër përfaqësuesit e dy linjave që operojnë në Gjirokastër, “Argjiro Line” dhe “Tirk 2000” bëjnë me dije se nga Ministria e Transportit ende nuk ka dhënë asnjë reagim zyrtar. Ata shtojnë se protesta do të përshakllëzohet deri në bllokimin e rrugës nacionale.
Pavarësisht takimit të zhvilluar ditën e djeshme në Drejtorinë Vendore të Gjirokastrës mes task forcës së Tiranës dhe përfaqësuesve të linjave Tirk 2000”, “Argjiro line” nuk u arrit në një zgjidhje. Këta të fundit deklaruan se situata do të përshkallëzohet deri në grev urie dhe bllokimin e rrugëve nacionale.
Discussion about this post