Edhe pak minuta na ndajnë nga ceremonia e inaugurimit të presidentit të SHBA-së, Donald Trump. Megjithatë jo të gjithë janë të emocionuar për ardhjen e tij në krye të shtetit.
Në Uashington shumë të rinj rebelë e kanë prishur atmosferën festive dhe janë përleshur me policinë.
Të rinjtë nisën duke thyer xhamat e disa dyqaneve për rreth apo prishur koshat e mbeturinave.
Turma masive ka nisur protestat që mbrëmjen e kaluar, me parrulla dhe thirrje kundër Donald Trump-it.
Sipas NBC News, për të qetësuar situatën u desh ndërhyrja e policisë që i ndezi akoma më shumë gjakrat, pasi filluan të hedhin spraj kundër protestuesve.
Turmës iu bashkuan edhe yje të kinemasë amerikane si Robert De Niro, Cynthia Nixon, Michael Moore, si dhe shumë yje të muzikës, biznesmenë dhe udhëheqës qeveritarë.
Protestat janë lajmëruar të vijojnë edhe në qytete të tjera të SHBA-së. (D.D/Shuplaka)
[ngg_images source=”galleries” container_ids=”870″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
