Kapen 121 pako me drogë në kufirin me Greqinë, autorët në drejtim të paditur (FOTO)

Policia Kufitare në Korcë ka zbuluar 121 pako me lëndë narkotike kanabis sattiva në kufirin me Greqinë.

Sipas policisë, në kufi të gjelbër, konkretisht në vendin e quajtur “Piramida 54”, Vidohovë, janë konstatuar dy çanta sportive dhe një thes, brenda të cilave u gjet dhe sekuestrua në cilësinë e provës materiale 121 pako të mbështjella me letër natriban, me lëndë të dyshuar si kanabis.

Nga ana e shërbimeve policore shqiptare në bashkëpunim me policinë greke, janë koordinuar veprimet dhe po vijon puna për identifikimin dhe kapjen e autorëve, si edhe dokumentimin e plotë të ngjarjes.

Specialistët e Seksionit për Narkotikët në policinë e Korçës po kryejnë veprimet e nevojshme procedurale të rastit dhe peshimin e sasisë të lëndës së dyshuar narkotike.

Materialet për hetime të mëtejshme do t’i referohen Prokurorisë të Rrethit Gjyqësor Korçë.

Drejtoria e Policisë Kufitare e Migracionit, Korçë:

Policia Kufitare konstaton dhe sekuestron në kufi të gjelbër, 121 pako me lëndë të dyshuar si narkotike Cannabis Sattiva.

Më datë 24.04.2017 nga ana e shërbimeve Operacionale në Stacionin e Policisë Kufitare Kapshticë, në kufi të gjelbër, konkretisht në vendin e quajtur “Piramida 54″, Vidohovë, janë konstatuar dy çanta sportive dhe një thes, brenda të cilave u gjet dhe sekuestrua në cilësinë e provës materiale : 121 pako të mbështjella me letër natriban, me lëndë të dyshuar si narkotike Cannabis Sattiva. Nga ana e shërbimeve Policore Shqiptare në bashkëpunim me Policinë Greke, janë koordinuar veprimet dhe po vijon puna për identifikimin dhe kapjen e autorëve, si edhe dokumentimin e plotë të ngjarjes. Specialistët e Seksionit për Narkotikët në DVP- Korçë, po kryejnë veprimet e nevojshme proceduriale të rastit dhe peshimin e sasisë të lëndës së dyshuar narkotike. Materialet për hetime të mëtejshme do t’i referohen Prokurorisë të Rrethit Gjyqësor Korçë.

(M.D/ Shuplaka)

[ngg_images source=”galleries” container_ids=”1669″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]