Policia kufitare ka kapur 15 kilogramë drogë në portin e Durrësit .
Gjatë kontrollit të zhvilluar nga policia në një mjet duke përdorur edhe qenin antidroge , arriti të gjejë dhe të sekuestrojë lëndën narkotike dhe bëri të mundur arrestimin e tre personave B. S, D.A e D.S nga Kosova dhe Serbia.
Njoftimi i plotë
Policia Kufitare mbi bazën e informacioneve të siguruara në rrugë operative, godet një tentativë të trafikut ndërkombëtar të lëndëve narkotike.
Gjatë kontrollit të detajuar në vijën e dytë duke përdorur qenin antidrogë dhe më pas edhe gjatë skanimit, në një mjet i cili ishte i ngarkuar në një karotrec që drejtohej nga shtetasi B. S., Policia gjeti dhe sekuestroi në cilësinë e provës materiale rreth 15 kilogramë lëndë narkotike e llojit Marjuanë.
Në vendngjarje ka mbritur grupi hetimor dhe Specialistët për Hetimin e Narkotikëve në Drejtorinë Vendore të Policisë Durrës, ku në përfundim të veprimeve të para hetimore bënë arrestimin në flagrancë të shtetasëve B.S, si dhe të dy pasagjerëve D.A e D.S, banues në Kosovë, Serbi, Kosovë.
Vijon puna në bashkëpunim me Prokurorinë dhe Policinë Kosovare për zbardhjen e plotë të këtij rasti
