Strukturat doganore të Degës Doganore Kapshticë në bashkëpunim me Policinë kanë sekuestruar rreth 68 Kg lëndë narkotike, të dyshuar si “Cannabis sativa”, e fshehur në një automjet.
Sipas njoftimit të policisë gjatë kontrolleve në Doganbnë është konstatuar se sasia e drogës së sekuestruar është rreth 68 kg lëndë narkotike e dyshuar si “Cannabis sativa” dhe ishte fshehur poshtë sediljeve të automjetit.
Bëhet me dije se është arrestuar drejtuesi i mjetit shtetasi me inicialet G.Gj.
Njoftimi i plotë i policisë:
Strukturat doganore të Degës Doganore Kapshticë në bashkëpunim me Policinë sekuestruan rreth 68 Kg lëndë narkotike,të dyshuar si “Cannabis sativa”, e fshehur në një automjet. Sipas këtyre strukturave, lënda narkotike transportohej me automjetin tip Toyota, me drejtues shtetasin me inicialet G. Gj.
Pas intervistimit paraprak në vijën e parë dhe me kërkesë të Policisë mjeti kaloi për verifikim të detajuar në skaner. Pas skanimit mjeti u markua me të kuqe, ku nga kontrolli paraprak në vijën e dytë nga doganieri dhe inspektorët e kontrollit të policisë u konstatua se poshtë sediljeve ishin të vendosura 65 pako të dyshuara me lëndë narkotike të llojit “cannabis sativa”, me peshë totale afërsisht 68 kg. Kjo sasi lënde narkotike kishte destinacion Athinën.
Ky rast iu kalua për hetime të mëtejshme Policisë së Qarkut Korçë për hetime të mëtejshme.
(F.GJ/FAXWEB,AL)
