Një operacion i madh i policisë italiane në Bari ka përfunduar me sekuestrimin e 8 kuintalëve kanabis sativa, mijëra euro, 4 makina si dhe arrestimin e dy shqiptarëve.
Aksioni është bërë në një zonë industriale në qytetit e Barit në Itali, ndërsa droga është gjetur në një magazinë.
Siç bëhet e ditur ka qenë Guardia di Financa që ka hetuar dhe organizuar operacionin e sekuestrimit të lëndës narkotike.
Janë sekuestruar 800 kilogramë drogë të tipit marijuanë dhe hashash, një pistoletë, katër automjete (dy autovetura e dy furgon) si dhe 32 mijë euro para të thata.
Nën pranga janë vënë dy shqiptarë e një italian.
Ata janë arrestuar në flagrancë ndërsa po shkëmbenin lëndën narkotike. (E.K/FAXWEB)
Discussion about this post