900 kilogramë drogë janë kapur nga policia italiane. Sipas mediave italiane droga u gjet e ndarë në 55 pako brenda një skafi dhe dyshohet se ka ardhur nga Shqipëria.
Mjetet aeronavale të “Fiamme Gialle” (raport i Guardia di Finanza), që patrullojnë vazhdimisht në Adriatik, kanë pikasur gomonen që drejtohej drejt brigjeve të Garganos (Puglia) dhe iu vunë në ndjekje, raportojnë sot mediat lokale.
Në prangat e policisë kanë rënë dy shqiptarë të moshës 52 dhe 39 vjeç. Trafikantët, në sytë e njësive të GF-së, u liruan nga ngarkesa duke e hedhur në det dhe braktisën anijen në plazhin e Pugnochiuso, duke ikur. Por ata u gjurmuan dhe u kapën nga policia në një banesë.
Aksioni
Ora shënonte rreth 19:00 kur dy mjete të shpejta të repartit operativ aeronaval të Guardia di Finanza-s së Barit, pikasën një gomone të fuqishme pranë brigjeve të Pugnochiuso-s dhe u bënë shenjë personave që ishin në bordin e saj të ndalonin. Por, këta të fundit, pasi vunë re se kishin shoqëri, hodhën në det pjesën më të madhe të ngarkesës që ishte në bordin e gomones, ndërsa mjetin lundrues e braktisën në plazh, e më pas ia mbathën. Ndërkohë, efektivët arritën gomonen dhe aty gjetën praninë e disa ngarkesave, të mbështjella me material tipik që përdoret për mbështjelljen e marijuahës. Gjithashtu, agjentët vunë në dijeni për arratinë e dy skafistëve kolegët e Guardia di Finanza-s së Foggia-s, të cilët nga ana e tyre nisën një aksion për kapjen e trafikantëve.
Pas një patrullimi edhe me mjete ajrore u bë i mundur identifikimi i vendndodhjes së 2 të arratisurve. Ata u gjetën me rroba ende të lagura brenda një vile, pjesë e një kompleksi turistik me të përbërë nga apartamente pushimi. (J.V/Faxweb)
http://e.abingmedia.com/v/16/1125272.html
