Policia italiane ka vënë në pranga dy shqiptarë, të cilët akuzohen për tregtim të lëndëve narkotike. Pas një njoftimi për lëvizje të dyshimta në një parking pranë një fast-food-i në qytetin e Ravenna-s, karabinierët nisin të studionin lëvizjet e dy shqiptarëve të moshës 27 dhe 30 vjeçare.
Dy shqiptarët me inicialet K.J. e G.M, 27 dhe 30 vjeç u shoqëruan një ditë më parë në stacionin policor bashkë me makinën e tyre.
Në makinë janë zbuluar dy vende të posaçme të krijuara për të fshehur drogën. Nën sediljen e shoferit, shqiptarët kishin krijuar një hapësirë e dyfishtë të mbyllur me një çelës.
Brenda saj u zbuluan rreth 500 gram heroinë, ndërsa pas një kontrolli në shtëpinë e tyre në Ravena, janë sekuestruar edhe 19 mijë euro. Para të cilat besohet se janë fituar nga kjo veprimtari e paligjshme. (D.D/Shuplaka)
