Kapen me mallra kontrabandë në Korçë, dy të rinjtë procedohen penalisht

Policia Kufitare e Korçës ka nisur një procedim penal ndja dy të rinjve, të cilët u kapën me mallra kontrabandë.

Policia kufitare bën me dije se rreth orës 23:20 të mbrëmjes së kaluar, konstatoi një automjet në rrugën nacionale Gorricë-Korçë, të cilit i bëri shenjë të ndalonte, por mjeti nuk është bindur.

Pas kësaj, patrulla e polisisë së Postës së Pustecit u vu në ndjekje të mjetit në fjalë të cilin e gjeti më pas të braktisur në në fshatin Diellas, të Pustecit.

Brenda makinës, bardhë e blutë gjetën mallra të ndryshme ushqimore, për të cilat paguhet akcizë.

Policia ka arritur të identifikojë dy të rinjtë që ndodheshin në makinë dhe ka nisur një procedim penal ndaj tyre.

Ndërkohë që 24-vjeçari me iniciale A.M. po procedohet penalisht, policia ka shpallur në kërkim 27-vjeçarin me iniciale P.T., banues në fshatin Gollomboç të Korçës. (D.D/Shuplaka)