Një ngarkesë prej 617 kg kokainë, pakot e të cilave kishin logon e Sport klub Elbasanit është sekuestruar nga policia e Brazilit.
Ngarkesa është bllokuar më 1 shtator 2019 në dyshemenë e një kamioni. Ngarkesa me vlerë 9 milionë dollarë kishte destinacion Europën.
Operacioni është zhvilluar në Gefron të Brazilit. Policia ka arrestuar katër persona, mes tyre edhe një grua. Dy nga të arrestuarit, po shoqëronin kamionin me kokainë.
Shoferi ka treguar se do të merrte 10 mijë dollarë për transportin e drogës. Autoritetet braziliane vijojnë hetimet për të zbuluar rrjetin dhe kush ishin porositësit e kokainës.
Discussion about this post