Kapen në Fier, 6 të shpallur në kërkim. Mes tyre një i dënuar për “Vrasje në tentativë” dhe tre të mitur

Gjashtë persona të shpallur në kërkim janë vënë në prangat e Policisë së Fierit. Ndër të ndaluarit, renditen një i ndaluar për “Vrasje në tentative” dhe pesë të akuzuar për “Vjedhje”.

I ndaluari për “Vrasje në tentativë” është identifikuar si Antonin Bregu 27 vjeç. Ai është dënuar nga Gjykata e Fierit me 10 vjet burgim.

Pesë persona të tjerë janë vënë në prangat e policisë nën akuzën e “Vjedhjes”. Dy prej tyre janë identifikuar si K. Lumanaj dhe B. Agalliu. Ndër të arrestuarit janë edhe tre të mitur që akuzohen për vjedhje në lokale dhe biznese të ndryshme, emrat e të cilëve nuk bëhen me dije. (XH.A/SHUPLAKA)