Policia italiane ka arestuar 3 shtetas shqiptarë gjatë një operacioni anti drogë në qytetin Lodi. Sipas mediave të vendit fqinj, në pranga kanë rënë shqiptarët L.A, 39 vjeç, P.A, 33 vjeç dhe M.F, 28 vjeç.
Policia sekuestroi 520 kg marijuanë në dy makinat të vogla dhe një furgon të cilat drejtoheshin nga shqiptarët e arrestuar.
Sipas mediave italiane, vlera e lëndës narkotike në tregun me pakicë arrin vlerën prej 5 milionë euro, ndërsa kishte si synim tregune rajonit të Lombardisë.
Dy makinat e vogla ishin në fillim, ndërsa furgoni i shoqëronte. Policia ndërmori aksionin, pasi vuri re lëvizjet e dyshimta të shqiptarëve, ndërsa ka ndërhyrë kur shqiptaret parkuan dhe u futën në një ambient publik.
Pas kontrollit, Guardia Di Finanza gjeti të fshehur brenda në njërën prej makinave dhe në furgon 520 kg marijuanë. (A.R/SHUPLAKA)
