Në burgun e Drenovës në Korçë është kapur drogë. “Shuplaka” mëson se sasia e dorgës prej 12 gramë e llojit heroinë u kap ndërsa po tentohej të futej brenda te të dënuarit.
Droga ishte e vendosur në një qese dhe dyshohet dhe ishte e vendosur në tualetin e dhomës së takimeve me familjarët.
Për këtë shkelje është shkarkuar Shefi i Policise se burgut Drenovë, Adriatik Parizi si edhe 7 efektivë të tjerë në varësi të tij. Kjo shkelje ka ardhur nga investigimi nga Shërbimi i Kontrollit të Burgjeve.
Detaje:
Pas informacioneve të mbledhura në rrugë operative, strukturat e specializuara të Drejtorisë së Përgjithshme të Burgjeve në bashkpunim me Shërbimin e Kontrollit të Brëndshëm të Burgjeve, rreth orës 12 pas mesnatës së djeshme kanë ndërmarrë nje operacion blitz pranë kësaj IEVP. Nga kontrolli është konstatuar një sasi prej rreth 10-12 gram lënde narkotike e dyshuar heroinë e fshehur në tualetin e dhomës së takimeve me familjarët.
Menjëherë pas konstatimit të lëndës narkotike janë kryer veprimet e para proceduariale si dhe është njoftuar policia e Korçës si dhe prokuroria e rrethit.
Nga ana e Drejtorisë së Përgjithshme të Burgjeve u mor në mënyrë të menjëhershme masa e pezullimit të shefit të Policisë së IEVP Drenove si dhe e disa punonjësve të tjerë të policisë.
Ndërkohë vijojnë hetimet nga ana e strukturave të Drejtorisë së Përgjithshme të Burgjeve për rastin në fjalë si dhe për nxjerrjen e përgjegjësive.
Drejtoria e Përgjithshme e Burgjeve, duke falenderuar mediat për pasqyrimin e rastit, ju bën me dije se është në interesin dypalësh pasqyrimi i versionit zyrtar të vërtetë dhe jo i teorive të pavërteta.
(J.V/Shuplaka)
Discussion about this post