Të gjitha mënyrat mund të quhen të vlefshme kur është fjala për trafikun e drogës. Një çift shqiptarësh kanë rënë në prangat e policisë italiane, pasi u kapën me 174 kg marijuanë. ‘Ansa’ shkruan se droga ishte fshehur në një furgon pasagjerësh, ndërsa vlera e saj kapte shifrën e 1 milion e 700 mijë eurove nëse hidhej në treg.
31-vjeçari shqiptar, ideniteti i të cilit nuk bëhet i ditur, u ndalua nga policia në dalje të rrugës për në Pescara. Ndërkohë, gjatë kontrollit të ushtruar në banesën e çiftit, agjentët e skuadrës së Pescara-s gjetën dhe 4 kg marijuanë, ndërsa pas hekurave përfundoi dhe gruaja e shqiptarit.
“Ky aksion është pjesë e punës së vazhdueshme të kontrollit të territorit”, -tha në një konferencë për shtyp shefi i policisë së Pescara-s. Sakaq, hetimet vijojnë për zbardhjen e plotë të kësaj veprimtarie kriminale.
Discussion about this post