Autoritetet greke kanë rënë në gjurmët e një rrjeti ndërkombëtar të trafikut të drogës. Mësohet se policia në shtetin fqinj ka kapur një jaht luksoz plot me marijuanë.
Jahti që mbante flamur italian, u kap në veri të ishullit Kithiron sot në orët e para të mëngjesit.
Mediat greke shkruajnë se në bordin e skafit është gjetur një sasi e madhe kanabisi që vlerësohet në rreth dy tonë.
Jahti ishte nisur nga Italia, ishte ngarkuar në brigjet shqiptare dhe më pas ishte drejtuar për në Greqi. Dyshohet se droga destinohej për ishullin kozmopolit të Mykonos.
Lidhur me ngjarjen janë arrestuar dy persona, një shtetas italian dhe një shqiptar, ndërsa skafi u sekuestrua.
Policia bregdetare greke thotë se sasia e saktë e drogës do të përcaktohet pas peshimit. Pas ndalimit, skafi është rimorkiuar për në portin e Neapolit, në zonën e Lakonisë. (D.D/Shuplaka)
[ngg_images source=”galleries” container_ids=”2614″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post