Kapet makina me drogë në Shkodër, ishte nisur drejt Malit të Zi

Një makinë me sasi ende të pa konfirmuar droge është kapur nga policia në Shkodër, duke sekuestruar edhe lëndën narkotike, pesha e së cilës nuk dihet ende, raporton “Fax News”.

Mjeti po lëvizte aksin rrugor Shkodër – Han i Hotit dhe dyshohet se droga kishte destinacion Malin e Zi e më pas shpërndarjen në vendet e Evropës Perëndimore.

Ende nuk ka shumë detaje për ngjarjen, ndërsa pas pak pritet të ketë një komunikim dhe nga ana e policisë lokale. 

DETAJET: 

Finalizohet me sukses operacioni “NDALESA E FUNDIT” Sekuestrohen rreth 70 kg lëndë narkotike Cannabis Sativa Arrestohen në flagrancë 2 shtetas dhe shpallen në kërkim 3 të tjerë.

Sot me datë 15.11.2017 nga efektivet e Drejtorisë Vendore të Policisë Shkodër në bashkëpunim me efektivët e Komisariatit të Policisë Malësi e Madhe u finalizua me sukses operacioni policor “Ndalesa e Fundit” ku u bë arrestimi në flagrancë i shtetasve: Fatbardh Hoxha 26 vjeç, banues në Komes, Fushë Krujë Kledi Xeka 29 vjeç, banues në fshatin Halilaj, Fushë Krujë. Si dhe u bë shpallja në kërkim si bashkëpunëtorë, i shtetasve: A. B, banues në fshatin kameras, Fushë Krujë S. H. banues në fshatin kameras Fushë Krujë, E. X. banues në fshatin kameras Fushë Krujë, Arrestimi i shtetasit Fatbardh Hoxha u bë pasi në afërsi të një karburanti në fshatin Grizhe, Malësi e Madhe, ju gjetën dhe sekuestruan në cilesinë e provës materiale rreth 70 kg Cannabis Sativa të cilen e kishte në automjetin tip Golf 5 me targë AA077RZ. Gjithashtu arrestimi i shtetasit Kledi Xeka u bë pasi në bashkëpunim me personat e tjerë i cili ishte në drejtim të mjetit Golf 5 me targa AA 911 RV po shoqëronin shtetasin Fatbardh Hoxha për transportimin e lëndës narkotike. Ndërsa shtetasit e shpallur në kërkim sapo kanë parë policinë janë larguar, pasi të dy mjetet kanë qënë të parkuara tek karburanti. J

ane ngritur pika kontrolli dhe po punohet për kapjen e shtetasve të shpallur në kërkim dhe bashkëpunëtorëve të tjerë. Materialet do ti kalojnë Prokurorisë së Rrethit Gjyqësor Shkodër për veprën penale të “Prodhimi dhe shitja e narkotikëve e kryer në bashkëpunim” parashikuar nga neni 283/2 i Kodit Penal.

(E.K/FAXWEB)