Policia e Fierit ka arrestuar nje 40-vjecar, teksa transportonte mallra kontrabande. Policia njofton se ka finalizuar operacionin policor te koduar “TAKSISTI” dhe ka arrestuar shtetasin Niko Goga, 40 vjeç, banues në Fier. Arrestimi i këtij shtetasi u bë pasi u kap në flagrancë në autostradën Lushnje -Fier duke transportuar me mjetin e tij tip “Benz” disa mallra që dyshohet se janë kontrabandë.
DETAJE:
Vijon puna për parandalimin, evidentimin dhe goditjen e paligjshmërisë.
Finalizohet me sukses operacioni policor i koduar “TAKSISTI”.
Kapet duke transportuar mallra të dyshuara kontrabandë, arrestohet në flagrancë autori.
Sekuestrohen 60 aparate celularë dhe një sasi e konsiderueshme aksesorësh të cilët dyshohen se janë kontrabandë.
Nga Sektori për Hetimin e Krimit Ekonomik e Financiar në Drejtorinë Vendore të Policisë Fier, pas informacioneve të siguruara në rrugë operative, u bë i mundur finalizimi i operacionit policor të koduar “TAKSISTI”.
Si rezultat i operacionit u arrestua në flagrancë shtetasi:
-N.G, 40 vjeç, banues në Fier.
Arrestimi i këtij shtetasi u bë pasi u kap në flagrancë në autostradën Lushnje -Fier duke transportuar me mjetin e tij tip “Benz” disa mallra që dyshohet se janë kontrabandë.
Në cilësinë e provës materiale u sekuestruan 60 celularë të markave të ndryshme si dhe një sasi e madhe aksesorësh për celularë.
Materialet i kaluan Prokurorisë pranë Gjykatës së Shkallës së Parë Lushnje për veprat penale “Kontrabanda me mallra të tjera” dhe “Tregtimi dhe transportimi i mallrave që janë kontrabandë” parashikuar nga Nenet 174 dhe 178 të Kodit Penal. (J.V/Shuplaka)
