Kapet më në fund “Arsen Lupeni” shqiptar, vidhte studentët italianë

Policia italiane ka arrestuar një 31-vjeçar shqiptar i cili njihej me nofkën “Arsen Lupen”.

Kjo për shkak se prej më shumë se 1 viti ka vjedhur një numër të madh apartamentesh në qytetin e Peruxhias në Itali. Ai targetonte sidomos banesat në të cilat jetonin studentë, për t’u vjedhur atyre sende me vlerë dhe kompjutera.

Mësohet se shqiptari, ishte arrestuar plot 4 herë deri më tani dhe të katërta herët ishte dëbuar nga vendi. Megjithatë ai rikthehej në Peruxhia për të vazhduar “punën” e tij.

Sipas portalit Giornale.it, 31-vjecari me noftkën e personazhit të njohur të filmave vizatimor,  u kap në flagrancë nga karabinierët teksa vidhte banesën e dy vajzave.