Shqiptari i shpallur në kërkim ndërkombëtar Kristian Elezi është kapur nga autoritetet italiane. 42-vjeçari u kap në një hotel në Brindisi nga policia italiane. Ai është i kërkuar nga autoritetet belge dhe i dyshuar si një prej kokave të një organizate kriminale që merrej me krimet kundër pasurisë, vjedhje dhe grabitje.
Elezi rezulton i dënuar për krime të bëra mes nëntorit 2007 dhe tetorit 2013, e sipas vendimit gjyqësor belg, duhet të vuajë dënimin me 7 vjet burg.
Policia ka sekuestruar në dhomën e hotelit: 7700 euro, 3 telefona celularë dhe një kartë sim.
(J.V/Shuplaka)
