Një 29-vjeçar eshtë arrestuar nga policia në flagrancë duke vjedhur një banesë.
Shtetasi O.T., me precedent të mëparshëm penal, ka tentuar të godasë me mjet prerës punonjesin e policisë gjatë arrestimit, por është neutralizuar nga efektivët e policisë.
Policia ka sekuestruar si provë materiale një thikë dhe gërshërë.
Njoftimi i Policisë:
“Durrës
Policia e Durrësit falë bashkëpunimit me qytetarët parandalon rastin e vjedhjes së një banese duke vënë në pranga autorin.
Gjatë kapjes në flagrancë autori ka tentuar të godasë me mjet prerës punonjësin e policisë, por është neutralizuar nga efektivet e Policisë.
Arrestohet 29 vjeçari, me precedent të mëparshëm penal në fushën e vjedhjes së pasurisë.
Patrulla e Përgjithshme në bashkëpunim me Specialistët për Hetimin e Krimeve në Komisariatin e Policisë Durrës, kanë bërë të mundur parandalimin e vjedhjes së banesës së shtetasit Sh.Gj në lagjen Nr.2 në Durrës.
Falë informacionit të marrë nga qytetarët dhe reagimit të shpejtë të punonjësve të rendit është mundësuar kapja në flagrancë e autorit dhe neutralizimi i tij, ku gjatë ndalimit ka tentuar të godasë me mjet prerës njërin prej punonjësve të policisë
Ndërhyrja me profesionalizëm ka bërë neutralizimin dhe prangosjen e shtetasi O.T., 29 vjeç, banues në Durrës
Gjithashtu, është dokumentuar me prova shkencore se shtetasi i mësipërm dyshohet se më datë 27.09.2019, në lagjen Nr.15 ka vjedhur banesën e shtetasit A.L.
Gjatë kontrollit fizik i është gjetur dhe sekuestruar në cilësinë e provave materiale një mjet prerës (thikë) dhe gërshërë .
Policia e Durrësit falënderon dhe fton çdo qytetar që për informacione që disponojnë dhe janë më interes të uniformave blu, në vijim të rritjes së sigurisë së tyre të telefonojë në numrat 112 dhe 129 dhe reagimi do të jetë mjaft i shpejtë dhe profesional.”
Discussion about this post