Kapet në Itali gomonia me 761 kg kanabis, në pranga 29-vjeçari nga Vlora

Një operacion i përbashkët anti-drogë i policisë italiane dhe asaj shqiptare ka çuar në kapjen e një gomoneje me 761 kg kanabis në bord.

Mjeti lundrues u kap 10 milje larg St. Andreas në Leçe, ndërsa përfunduan në pranga një shtetas shqiptar me inicialet E.M, 29 vjeç nga Vlora dhe një shtetas italian.

Gomonia ka qenë 8 metra e gjatë dhe kishte motorë të fuqishëm për lundrim.

Po punohet për identifikimin dhe ndalimin e personave të tjerë të përfshirë në këtë ngjarje.