Rreth 800 kilogramë lëndë narkotike janë zbuluar në doganën e Qafë Botës, të cilat janë kapur nga pala greke.
Burime bëjnë me dije se droga është e llojit marjuanë, ndërkohë që ka qenë e fshehur në një furgon frigorifer.
Furgoni sapo kishte kaluar në doganën shqiptare, pa mundur që të zbulohej sasia e drogës që ishte fshehur brenda në të.
Siç raporton policia greke, janë arrestuar shoferi grek dhe pasagjerja greke, identitetet e të cilëve nuk bëhen ende të ditur.
Droga ishte vendosur në vende të përshtatura enkas.
Operacioni i policisë po vazhdon.
