Policia italiane ka vënë në pranga një shqiptar i cili ishte i dënuar me 12 vite burg. 42-vjeçari Altin Merhori prej 13 vitesh në arrati jetonte në Piacenza ku dhe punonte si shofer kamioni për një kompani.
Në vitin 2004 ai ka vrarë injë bashkëkombas të tij në Milano. Po kështu 42-vjeçari u akuzua edhe për shkatërrimin dhe fshehjen e trupit të tij. Guardia di Finanza e ndaloi mbrëmjen e djeshme gjatë kohës që ngiste kamionin e tij për një kontroll rutinë, dhe si përfundim zbuluan se dokumentat ishin të rreme. Kur u shoqërua në polici, falë shenjave të gishtërinjve, doli identiteti i vërtetë i Merhorit dhe krimit që kishte kryer, shkuajnë mediat italiane.
Në banesëne shqiptarit u gjetën edhe 2.5 kg kokainë dhe 10 kg marijuanë dhe një sërë mallrash të vjedhura që arrinin vlerën dhjetëra mijëra euro. Karabinierët gjithashtu sekuestruan dhe 2 pistoleta, 150 fishekë, 5 xhaketa antiplumb, patentë dhe pasaporta false. (J.V/Shuplaka)
Discussion about this post