Është goditur një tjetër rast trafikimi të lëndëve narkotike në shtetin fqinj Itali. Mësohet se u krye së fundmi sekuestrimi i një skafi që transportonte një sasi prej 1.3 ton kanabis.
Mjeti që transportonte drogë u bllokua nga Guarda Di Finanza në Bari me sinjalizim të policisë shqiptare, ndërkohë që u vunë në pranga dy shtetas shqiptarë.
U vunë në prangat e Guardia Di Finanza shtetasit shqiptarë me iniciale: G. I. 24 vjeç dhe B. K. 52 vjeç. Ata u kapën në flagrancë teksa tentonin të trafikonin 1350 kilogramë kanabis, të fshehur në bordin e skafit.
Zyrtarisht Policia e Shtetit njoftoi se njësitë e ROAN të Guardia di Finanza të Pulias kanë ndaluar një skaf që po tentonte te trafikonte një sasi të konsiderueshme droge drejt vendit fqinj.
Mësohet se autoritet e të dy policive po vijojnë hetimet për të zbuluar të implikuar të tjerë në këtë trafik droge dhe lidhjet me dy mjetet lundruese të ndaluara në bregdetin shqiptar me skafistët italianë. (XH.A/SHUPLAKA)
[ngg_images source=”galleries” container_ids=”888″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
