Gomonja e kapur në Mal të Zi është i njëjti mjet lundrues që u pikas dje në Karaburun, Vlorë.
Lajmi bëhet i ditur nga Policia shqiptare.
Operacioni ka nisur para 24 orësh, ndërsa në lëvizje u vendosën tre shtete, Shqipëria, Italia dhe Mali i Zi.
Sipas policisë, gomonia kishte ardhur në Vlorë për t’u ngarkuar me drogë,
ditën e djeshme rreth orës 13:50, teksa gomonia rreth 3 m e gjatë, me dy motorë, lëvizte me shpejtësi në drejtim të Mezo-kanalit, u pikas nga autoritetet, të cilat u vendosën në ndjekje.
Ndërsa në zonën e Karaburunit policia ka gjetur të fshehur rreth 28 kg kanabis, të fshehur midis shkëmbinjve.
Menjëherë operacionit i janë bashkuar anija “Oriku” dhe helikopteri i FA, “Cougar”, të cilët kanë ndjekur në ujërat neutrale gomonen që lëvizte me shpejtësi.
Por pavarësisht ndjekjes, gomonia arriti që të zhdukej, por vetëm për disa orë, pasi pasditen e sotme është bllokuar në Mal të Zi.
Ndërkohë hetimet vijojnë për të gjetur se cilët janë personat e përfshirë në rrjetin e trafikut të drogës.
(F.M/Faxweb)
