Zëvëndësministri grek i Mbrojtjes, njëkohesisht deputet i SYRIZA, Nektarios Santorinios ka dhënë një deklaratë për radion e Agjensisë Telegrafike të lajmeve të Athinës,” AMPE” ku është shprehur se kanë goditur një rrjet të madh droge.
“Mesa duket kemi goditur një rrjet të madh. Ishte një sukses që nuk erdhi brenda 48 orësh. Erdhi pas një ndjekje të ngushte të çështjes, përmes kryqëzimit të informacionit, përmes një pune të madhe që bënë krerët e policisë kufitare dhe për këte vlen t’i falenderojmë”.
Ndërkohë burime konfidenciale bëjnë me dije se për rastin në fjalë është informuar policia e Sarandës e cila ka kryer edhe kontrolle banesash ditën e djeshme.
Nga policia greke dje u kap më shumë se dy ton drogë në një skaf që vinte nga Shqipëria. Mësohet se skafi ishte nisur nga jugu i Himarës. Nga ky aksion janë arrestuar deri më tani 11 persona. Gjatë aksionit të policisë u plagos edhe njëri prej trafikantëve që ndodhej në skaf. (J.V/Faxweb)
