Karabina AKUZA dhe për Ndrecën, sekretarin e përgjithshëm: Ushtron presion mbi drejtoritë në rrethe

Përveç pezullimit nga puna të drejtoreshës së Arsimit në Vlorë, Albana Hodaj, ministrja e Arsimit nuk është ndalur me akuzat e saj.

Mirela Karabina ka drejtuar akuza dhe ndaj sekretarit të përgjithshëm të kësaj Ministrie, Plarent Ndreca.

Në njoftimin e saj Ministrja thotë se Ndreca ka ushtruar presion në rradhët e administratës. Nuk dihet nëse do të ketë një procedim edhe ndaj Ndrecës apo Ministrja nuk ka aq “fuqi” sa të shkarkojë sekretarin e saj.

“Sjellja dhe veprimet e znj. Hodaj, përveç se në shkelje të plotë të etikës institucionale, janë në kundërshtim të plotë me përcaktimet ligjore dhe përgjegjësitë e detyrave të nëpunësve të administratës publike, të shfaqura jo vetëm në këtë takim pune të titullarit të Ministrisë së Arsimit dhe Sportit, por edhe në drejtori të tjera rajonale të arsimit janë konstatuar sjellje të imponuara nëpërmjet presionit të ushtuar mbi nga ta nga ana e Sekretarit të Përgjithshëm të Ministrisë së Arsimit dhe Sportit z. Plarent Ndreca”, deklaron MAS. (E.K/SHUPLAKA)