Ka qenë një ndeshje shumë e diskutuar ajo mes Interit dhe Juventusit e zhvilluar mbrëmë në ‘San Siro’ ku me shumë mundësi u vendosën edhe fati i kampionatit Italian këtë vit.
Juventusit i duhej patjetër fitorja dhe e arriti në mënyrë spektakolare me përmbysje, pasi Interi në fillim kishte përmbysur avantazhin e bardhezinjve.
Por kjo ndeshje hapi shumë polemika për shkak të gjykimit pasi Interi që në fillim të lojës mbeti me 10 lojtarë pas daljes me të kuqe të Vecinos i cili i ndërhyri ashpër sulmuesit të Juventusit Mario Mandzukiç
Gjyqtari Orsato e vlerësoi për karton të kuq vetëm pasi iu referua VAR-it, ndërkohë që vendimi u shoqërua me protesta të shumta nga ana e lojtarëve të Interit. Megjithatë sulmuesi
kroat postoi në Instagram foto të këmbës së dëmtuar, ku dallohet qartë plaga e thellë e krijuar nga takat e futbollistit të Interit.
Ndërhyrja e mesfushorit uruguajan i ka shkaktuar të një çarë të thellë, shumë pranë kaviljes, e cilë është qepur menjëherë në dhomat e zhveshjes.
Këto foto nuk kanë nevojë për shumë koment, pasi vendimi i arbitrit në këtë rast duket më se i drejtë. Juventusi fitoi me rezultat 2-3 duke shënuar dy herë në fund të takimit.
(B.H/Faxweb)
