KAS ka rrëzuar kërkesën e koalicionit “Bashkë Fitojmë”, për të vendosur emrin e Sali Berishës në fletën e votimit, si kryetar i BF-së, sakaq ka pranuar ankimimin e PD-së, që të jetë emri i Ilir Metës në krye të koalicionit, megjithësi disa ditë më parë, Ilirjan Celibashi e ka refuzuar këtë kërkesë.
Pas këtij vendimi ka qenë Sekretari i Përgjithshëm i Partisë Demokratike, Gazment Bardhi që nëpërmjet një postimi, ka thënë se tentativa e Celibashit u rrëzua si antiligjore nga KAS. Ndër të tjera, shprehet për Kryekomisionerin, se është një njëri i shantazhueshëm, gati të bëjë akte prej kamikazi, vetëm që t’i nënshtrohet pengmarrësit të tij.
Gazment Bardhi: Tentativa e Ilirjan Celibashit për të fshehur në fletën e votimit faktin se me votat e demokratëve po synohet të fuqizohet Ilir Metaj u rrëzua si antiligjore nga KAS.
Kjo është një tjëtër shkelje nga Kreu i KQZ, ku u faktua se një njëri i shantazhueshëm është gati të bëjë akte prej kamikazi vetëm që ti nënshtrohet pengmarrësit të tij. Keqardhje sesi hallet i shndërrojnë profesionistët në kamikazë të së keqes!
