Regjizori Kastriot Çipi në një lidhje telefonike për ‘Fax News’ në emisionin “Natë me Xhaxhiun”ka zbuluar detaje nga biseda që kanë patur artistët me Bashën ditën e sotme për mbrojtjen e teatrit, kur nesër pritet miratimi i ligjit nga maxhoranca.
I pyetur nga Xhaxhiu se çfarë ishte biseduar me Bashën në atë takim dhe çfarë garancish kishin marrë artistët për mbrojtjern e teatrit, Kastriot Çipi theksoi se Basha kishte deklaruar se e mbështet pa rezerva protestën e artistëve, por teatri nuk ishte çështje e vetme për t’ju kundërvënë qeverisë.
Sipas Çipit Basha kishte deklaruar se do të ishte i pari që “do të ngujohet para fadromave për mbrojtjen e teatrit”.
Referuar protestës së ditës së nesërme që Aleanca për Mbrojtjen e Teatrit ka thënë se do të mbahet para Kuvendit në orën 09:45, Çipi sqaroi se nuk është e vërtetë që opozitës i është kërkuar që të marrë pjesë në Kuvend.
“Me sa duket ka një keqkuptim se nuk i është kërkuar opozitës që të ketë në Parlament. Nuk e kuptojmë pse duhet të ekzistojë Parlamenti në kët formë Opozita duhet të jetë tek teatri”, tha ai.
Kastriot Çipi deklaroi se nëse respektohet procedura ligjore “fadromat nuk vijnë para nëntorit tek teatri”. Por sipas tij maxhoranca mund të mos e respektojë procedurën dhe fadromat mund të vijnë që nesër, prandaj opozita duhet të jetë tek teatri.
Ndërkohë që edhe Robert Budina konfirmoi deklaratën e regjizorut Çipi se Basha do të ngujohet tek teatri nëse nuk tërhiqet qeveria.
I pyetur nga Xhaxhiu nëse Basha e kishte seriozisht, Budina tha se ai është i prirur t’i besojë kryetarit të opozitës pasi e ka të vështirë të besojë se ai nuk do ta mbajë fjalën.
“Do të ishte shumë e vështirë që Basha të bënte lojën me dy porta. Nëse nuk e mban fjalën janë kostot e tij politike. Une i besoj sinqeritetit të tij se do të përdori të gjitha mjetet për ta ndaluar”, tha ai.
Budina u shpreh se nëse maxhoranca nuk tërhiqet rruga e vetme është vetëm përplasja pasi mjetet demokratike të gjitha kanë shteruar.
Maxhoranaca e miratoi dekretin e presidentit Meta që e kthente mbrapsh ligjin për teatrin, duke zgjedhur ta amendonte. Nga ana tjetër opozita e kundërshtoi fort pasi sipas saj miratimi i dekretit të presidentit do të thotë se bie i tërë ligji poshtë. Ndërsa maxhoranca zgjodhi të bënte vetëm disa ndërhyrje për ta votuar sërish.
Ndërsa Basha ka paralajmëruar sot se nëse deputetët e maxhorancës ngrejnë kartonët për miratimin ekëtij ligji për PD-në do të konsiderohen terrorist shtetëror. (B.H/Faxweb)
