Danimarka ka propozuar një tërheqje të plotë nga FIFA së bashku me vendet e tjera të UEFA-s për shkak të mosmarrëveshjes së shiritit “OneLove”.
U pretendua sot se organi drejtues i futbollit dërgoi gjashtë zyrtarë në selinë e ekipit të futbollit anglez në ditën e ndeshjes së tyre në Kupën e Botës në Katar kundër Iranit dhe i kërcënoi ata me sanksione drastike nëse lojtarët do të mbanin shiritat me ngjyra.
Federatat e Anglisë, Uellsit, Belgjikës, Holandës, Zvicrës, Gjermanisë dhe Danimarkës vendosën të heqin dorë nga gjesti pro-LGBTQ+ mes kërcënimeve për sanksione, i cili përfshinte një karton të verdhë automatik për këdo që mbante një të tillë.
Tani, zyrtarët danezë kanë zbuluar se po mendojnë të largohen nga FIFA për shkak të mosmarrëveshjes dhe janë të gatshëm të diskutojnë lëvizjen dramatike me vendet anëtare të UEFA-s, raporton The Athletic.
Kryetari i federatës daneze Jesper Moller ka thënë: “Nuk është një vendim që është marrë tani. Ne kemi qenë të qartë për këtë për një kohë të gjatë. Ne e kemi diskutuar atë në rajonin nordik që nga gushti”.
“E kam menduar sërish. Unë imagjinoj se mund të ketë sfida nëse Danimarka largohet vetë. Por, le të shohim nëse nuk mund të dialogojmë për gjërat”.
“Më duhet të mendoj për pyetjen se si të rikthehet besimi në FIFA. Ne duhet të vlerësojmë atë që ka ndodhur dhe më pas duhet të krijojmë një strategji – gjithashtu me kolegët tanë nordik”, ka shtuar ai.
Sot, drejtori ekzekutiv i federatës daneze, Jakob Jensen tha se kartoni i verdhë do të ishte dënimi ‘minimal’ që ata do të kishin marrë.
Jensen tha se kjo shkaktoi ‘zemërim’ në kampin e tyre dhe tani ai do të heqë dorë nga mbështetja e tij për presidentin Gianni Infantino në ofertën e tij për rizgjedhje.
Presidenti i FIFA-s, i cili ngjalli zemërim me komentet e tij të çuditshme në fundjavë duke deklaruar se ndihet ‘gay’ dhe ‘punëtor migrant’, është i pakundërshtueshëm për rizgjedhje.
Federata Gjermane e Futbollit pretendoi dje se Anglia dhe skuadrat e tjera u përballën me ‘shantazh ekstrem’ ose ‘sanksione masive’ që çuan në heqjen e gjestit.
Jon Pagh, një gazetar për transmetuesin danez TV2, qëndroi në kundërshtim me zyrtarin dhe refuzoi t’i përmbahej urdhrit të tij për të hequr simbolin kundër diskriminimit dhe të drejtave LGBT nga krahu i tij.
Pagh po bëhej gati të bënte një raport televiziv në lidhje me ndeshjen e Danimarkës në Kupën e Botës kundër Tunizisë , kur zyrtari i Katarit iu afrua dhe i tha të hiqte shiritin – por reporteri danez refuzoi.
Refuzimi i Pagh për të hequr shiritin me ngjyra ylberi erdhi disa ditë pasi një gazetar tjetër danez i TV2, Rasmus Tantholdt, u detyrua të largohej nga transmetimi pasi stafi i sigurisë së Katarit kërcënoi se do t’i shkatërronte kamerën nëse ai nuk ndalonte së filmuar/Telegraf
Discussion about this post