Përsëritet katastrofa mjedisore në Liqenin e Fierzës, raporton “Fax News”. Rritja e nivelit të ujërave në liqenin e Fierzës, si pasojë e reshjeve të shiut që ranë një javë më parë ka risjellë ndotjen e basenit më të madh ujor në vend.
Rritja e nivelit të përrenjve që derdhen në Drin sjell në liqen të gjithë mbeturinat nga Kosova dhe nga Maqedonia që banorët e zonave pranë tyre hedhin në shtretrit e lumenjve. Gjithashtu në këtë pjesë të liqenit, shkarkohet i papërpunuar edhe kolektori kryesor i qytetit të Kukësit.
Kjo ndotje depërton në thellësi të ujërave dhe bashkohet me masivët e mbetjeve të komunave të Kosovës dhe të Maqedonisë, që nëpërmjet Drinit të Zi përfundojnë në liqenin Fierzës. (J.V/Faxweb)
https://www.youtube.com/watch?v=za6p6ZFNPck
