Familja mbretërore angleze po pret një pjestar të ri. Kate Middleton është në pritje të fëmijës së tretë. Por pas publikimit të këtij lajmi menjëherë janë përhapur fjalët se kjo shtatzëni do jetë po aq problematike për dukeshën sa dy të parat.
Ky lajm është konfirmuar edhe nga “Kensington Palace” se dukesha e Kembrixhit po vuan përsëri nga hyperemesis gravidarum, forma e rëndë e sëmundjes së mëngjesit që shoqërohet me të përziera dhe të vjellja, gjendje që e ka përjetuar edhe gjatë dy shtatzënive.
Middleton gjatë shtatzënisë së saj të parë me princin George u shtrua në spital, por sipas një deklarate nga Kensington Palace ajo është duke marrë kujdesin e duhur këtë herë në shtëpi. Shqetësimet e para kanë detyryar Middleton të anulojë ngjarjet e planifikuara.
Hyperemesis gravidarum, një gjendje e rrallë shkakton të vjella jo vetëm në mëngjes si zakonisht por gjatë gjithë ditës. Kjo sëmundje prek vetëm 1% deri në 2% të grave shtatzëna dhe mund të çojë në humbje peshe, dehidratim, dhe dëmtime të veshkave dhe mëlçisë. Dukesha është nënë vëzhgimin e mjekëve. (J.V/Shuplaka)
