Dukesha e Kembrixhit, Kate Middelton ka marrë vlerësime shumë pozitive nga “Royal Photographic Society” që vlerëson kontributin e Kate dhe mesazhin që ajo përcjell tek të rinjtë që kanë të njëjtin pasion me të.
Bëhet fjalë për pasionin e saj për fotografinë. 34-vjeçare nënë e dy fëmijëve, nuk ngurron të fotografojë vetë të vegjëlit, foto mjaft tërheqëse që janë shpërndarë gjerësisht në mediet ndërkombëtare. Ajo është shpallur së fundmi edhe anëtare të nderit të përjetshme të “Royal Photographic Society”.
Kate Middelton theu traditën duke u bërë vetë fotografja e fotografive të para zyrtare të Princeshës Charlotte në 2015-ën dhe të Princit George në ditën e parë të çerdhes.
Një zëdhënëse e Shoqërisë Fotografike Mbretërore është shprehur se Dukesha ka talent në fotografi. Sipas anëtarëve të kësaj shoqërie, ajo është një fotografe amatore me sy mjaft të mprehtë. Ata e cilësojnë Kate si një model të shkëlqyer për të rinjtë amatorë në artin e fotografisë.
Disa foto që ajo ka realizuar me Princeshën Charlotte fillimisht nuk u menduan të bëheshin publike, por Dukesha i pëlqeu aq shumë ato sa vendosi të dorëzohej e t’i shpërndante. Dukesha, e cila ka studiuar “History of Art” në “St Andreës University” duket se ushqen një pasion të madh për fotografinë. (XH.A/SHUPLAKA)
[ngg_images source=”galleries” container_ids=”525″ exclusions=”158,159,160,163,164,165,166″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post