Kate Midelton në pritje të fëmijës së tretë, familja mbretërore publikon lajmin

Një tjetër fëmijë është rrugës! Dukesha e Kembrixh është në pritje të fëmijës së saj të tretë. Lajmi bëhet i ditur nga vetë Kensington Palace.
“Duka dhe Dukesha e Kembrixh janë të lumtur të bëjnë të ditur se Dukesha e Kembrixh është në pritje të fëmijës së tretë”, thuhet në njoftimin zyrtar.

Mbretëresha  dhe anëtarët e tjerë të të dy familjeve janë majft të lumtur për lajmin, vijon njoftimi.

Ashtu si në dy shtatzënitë e para, Dukesha vuan nga simptomat e shtatzënisë, hypermesis gravidarum (të vjellat në mëngjes).

Për këtë Kate ka anulluar planet e ditës së sotme për të qëndruar në Kensington Palace. Megjithatë nuk dihet ende se kur do të vijë në jetë foshnja dhe në ccfarë jave të shtatzënisë është Dukesha.

(E.K/SHUPLAKA)