Ditën e djeshme familja Sadikaj në fshatin Ferras të Fierit dha alarmin se po mbytej në ekranin e ‘’Fax News”.
Pas apelit të tyre dhe ndihmës së gazetarëve, drejt familjes së bllokuar u nis një motorbarkë ku si pasojë e mungesës së hapësirës së mjaftueshme arriti të marë vetëm 4 persona, ndërsa edhe tre të tjerë u detyruan ta kalonin natën në tarracën e shtëpisë.
Ata janë detyruar që të ndezin një zjarr në banesën e shtëpisë për të përballuar të ftohtin.
Kryefamiljari Shezai Sadikaj shprehet sot se ka pasur një përmirësim të nivelit të ujit, ndërsa dëmet kanë qenë të shumta. Banori shprehet se niveli i ujit është i ngjashëm me atë në muajin dhejtor.
‘’Folëm mbrëmë me ‘Fax News’, mbrëmë në saj të televizionit tuaj mundëm që gjysma të dalim nga banesa. Sot uji po bije, kjo tregon se hidrovorët kanë punuar po dëmi është shumë i madh.
Unë kisha 20 mijë zogj brenda, dhe të gjithë u mbytën. Është i njëjti nivel me atë të 2 Dhjetorit, shkaku kryesor është baseni i autostradës, dhe ka krijuar një hinkë”, u shpreh Sadikaj.
Dje për orientimin e forcave të ndërhyrjes është dashur dhe ndriçimi nga kamera e ‘Fax Neës’ që ka asistuar me dritën e saj (blic) .
Ata folën për gazetaren e ‘Fax News’ Klaudja Karabolli dhe u shprehën shumë të zhgënjyer pasi operacioni ishte i vonuar. “Jemi të plevitosur”, tha njëri nga banorët e shpëtuar.
(E.K/FAXWEB)
Discussion about this post