Zbulohet e vërteta që qëndron pas sherrit mes këngëtares Taylor Swift dhe Katy Perry, e cila deri më tani ka qenë pothuajse një mister.
Në fakt, deri më tani në media thuhej se shkak për grindjet mes tyre mund të kenë qenë disa kërcimtarë, kjo për shkak në një interviste të Taylor Swift me Rolling Stone, ku tha se kënga e saj “Bad Blood” i kushtohej një këngëtare e cila është përpjekur t’i sabotojë një koncert duke i marrë disa kërcimtarë.
Ndërkohë që edhe kënga më e fundit e Katty Perry “Swish, Swish”, thuhet se i kushtohet Taylor Swift-it.
Katty Perry, në një intervistë për James Gorden në “Primetime Carpool Karaoke Special”, ka pranuar se ekziston një sherr mes saj dhe Taylor Swiftit, me të cilën dikur kanë qenë mike shumë të mira.
Sipas Katty-t, grindja filloi sepse disa nga kërcimtarët e saj donin të performonin me Swift. Perry tha se nuk kishte asnjë problem me zgjedhjen e kërcimtarëve, por për të siguruar që kontratat e tyre përfshinin një dispozitë që u lejonte atyre të dilnin nga ansambli i Swift, kur Perry të kthehej sërish në turne pas një viti ose më shumë.
Por kur erdhi koha që ajo të përgatitej më në fund për turneun e saj dhe kërcimtarët shkuan te Taylor për të diskutuar për largimin e parashikuar, ata në vend të kësaj u shkarkuan menjëherë nga puna.
“Ajo e filloi atë dhe është koha që vetë ajo ta përfundojë atë,”, shprehet këngëtarja Katy Perry.
Më tej, ajo tregon se u përpoq të fliste me Taylor për çështjen, mirëpo kjo e fundit nuk kishte pranuar të fliste.
“Ishte një mbyllje e plotë dhe më pas shkruan një këngë për mua, dhe unë jam: OK, qetësohu, qetësohu, qetësohu, kështu që do të merresh me të? Karma! ”
“Por ajo që unë dua të them është se unë jam gati për një përfundim. Tani, ekziston ligji i shkakut dhe i efektit. Ju bëni diçka, dhe do të ketë një reagim dhe më besoni, do të ketë një reagim. Është e gjitha karma, apo jo? …”, vazhdon më tej këngëtarja, duke nënkuptuar kështu se edhe nga ajo ka patur një reagim. (D.D/Shuplaka)
Discussion about this post