Deputeti Eduart Ndocaj është gjithnjë kundër rrymës. Nëse shumica e deputetëve dhe krerët e institucioneve u nisën drejt Varrezave të Dëshmorëve për të nderuar të rënët në 29 nëntor, Ndocaj ka menduar të vendosë lule në bulevardin ”Dëshmorët e Kombit” në nderim të 4 burrave që humbën jetën në protestën e 21 Janarit 2011.
”Deputeti Ndocaj zgjodhi një vend të veçantë për të bërë nderimet më datë 29. Ai bëri nderimet tek dëshmorët e demokracisë të 21 janarit përballë Kryeministrisë. Pikërisht në vendin ku politika aktuale nuk ka as moralin dhe as kurajën të bëjnë nderime. Lufta II ka 70 vjet që ka mbaruar. Sfida më e madhe e Shqipërisë sot është demokracia. Të rënët e 21 janarit të jenë të rënët për demokraci!”, shkruan stafi i deputetit që tashmë ka krijuar edhe Partinë e Emigracionit Shqiptar.
Discussion about this post