“Kavaljere e Paqes” në Itali dhe “Gruaja e Vitit 2010”, kush është Helga Vukaj që do i zërë vendin Arben Ahmetajt

Ministrja e propozuar nga Partia Demokratike për t’i zënë Arben Ahmetajt në Ministrinë e Financave quhet Helga Vukaj, e cila në vitin 2010 nga “Unioni për Paqe në Botë, Assisi, Itali” është vlerësuar me titullin “Gruaja e Vitit 2010”.

Vukaj ka punuar për vite me radhë në administratën e lartë shtetërore, duke mbajtur poste nga më të ndryshmet, si juriste në Presidencë (maj 2003), drejtore juridike në Ministrinë e Brendshme (Tetor 2005 – Gusht 2006), zv/drejtore e Përgjithshme e Agjencisë së Kthimit e Kompensimit të Pronave (Shtator 2006 – prill 2012) dhe drejtore e përgjithshme te Kontrolli i Lartë i Shtetit (2012 – 2016).

Përveç titullit “Gruaja e Vitit 2010”, “Unioni për Paqe në Botë, Assisi, Itali” e ka vlerësuar edhe me titullin “Kavalier i Paqes”. Goxha titull me peshë dhe rëndësi, por CV e Vukajt shënon akoma më shumë gjëra. Kavaljerja e Paqes njihet gjithashtu për një sërë publikimesh shkencore. (D.D/Shuplaka)