Ishte Çun Lajçi ai që sot kritikoi liderin e Nismës, Fatmir Limajn pasi ky i fundit kishte thënë se nuk bëhet shteti duke lexuar libra, në ditën e formimit të Qeverisë, e që i ishte drejtuar kryeministrit të Kosovës, Albin Kurti.
Ndërkohë zyrtari i Nismës Socialdemokrate, Vllaznim Krasniqi ka bërë një reagim të ‘çmendur’ ndaj aktorit të mirënjohur Çun Lajçit.
“Qajti n’Hagë, qajti n’zgjedhje.
Pragun i ndihmuen me kalua tue marrë “hopa”
N’parlament kokorisej thua se ishte Princi i Monacos!
I thojke Albinit:
– Nuk bahet shteti me libra!
Zaher, kujtojke si n’Bajë t’Malishevës, tue i ruejt lopët e tue luejt guxhas me ba shtet!
S’ka faj
Se ky me pushkë e ka fitua luftën, po shtetin me pushkë s’mujti!
– Po Fatmir zeza po, me die ndërtohet shteti, me libra, jo me përralla, e me pushkë fitohet lufta, jo me gogëla, he mjerë Parlamenti për Ty!
Por çka me iu ba ju komandantave, që u batë doktora shkencash me t’bleme!”, shkruante sot Lajçi në një postim në Facebook.
Por, zyrtari i Nismës, Vllaznim Krasniqi e ka tepruar pasi i ka përmendur rastin e vdekjes së vajzës së Çun Lajçit.
Përmes një postimi, kinse duke reaguar ndaj tij, Kransiqi ka fyer e rënduar Lajçin.
“Me keqardheje, por duhet t’ia RIKUJTOJME Çunit se si
Vajza e tij VDIQ! Pra, nje PRIND si ÇUN LAJÇI qe femija i vdes nga MBIDOZA e COCAINES, ashiqare tregon DESHTIMIN e tij si PRIND!
ÇUNO, nuk po ta zejme per te MADHE, kush e di se ne ndikimin e cilave SUBSANCAVE vjelle edhe ti tani!
Baca ÇUN, vec kujdes nga MBIDOZA mixhok!”, shkruan Vllaznim Krasniqi në Facebook.
Discussion about this post