Kreu i Partisë Demokratike Lulzim Basha ka reaguar sërish pas akuzave duke publikuar një pjesë të audio-përgjimeve të “BILD’ të cilat implikonin zyrtarë të PS-së me blerjen e votave. Ndër të tjera, krahas videos, përmes disa pyetjeve kryedemokrati i kërkon kryeministrit Rama arsyen se përse hesht përditë pas mashtrimeve dhe nuk shpreh asnjë fjalë për ish-kreun e bashkisë së Durrësit Vangjush Dako.
Kujtojmë se ende nuk ka një qëndrim formal të shprehur nga kryeministri Rama referuar ndalimit të hyrjes së Dakos në SHBA. Pak ditë më parë, Vangjush Dako dhe familjarët e tij iu shtuan listës së zyrtarëve shqiptarë që nuk lejohen të hyjnë në territorin e Shteteve të Bashkuara. Lajmi u bërë i ditur nga Zëri i Amerikës, e cila shkruante se një vendim i tillë është marrë nga Sekretari Amerikan i Shtetit.
Postimi i plotë i Bashës:
Pse hesht hajduti psiqik për bankomatin e tij personal?
Pse fshihet përditë pas mashtrimeve për 6 kullat 200 milionë euro dhe nuk belbëzon asnjë fjalë për Dakon?
Pse ka emëruar e po emëron vetëm kamikazë dhe shërbëtorë të krimit dhe të hajdutëve me pushtet në prokurorinë dhe drejtësinë e kapur?
Përgjigjet i gjeni vetë në fjalët e treshes
Rama-Dako-Avdylaj:
Discussion about this post