Kreu i PD-së Sali Berisha i është përgjigjur akuzave të Enkelejd Alibejat se protesta e 7 Korrikut ka si qëllim interesin e tij personal. Berisha tha se Alibeaj lexon mesazhet që i dërgon Balla, dhe nuk ia vlen që të shpenzojë kohë televizive për të.
Nga ana tjetër, Berisha paralajmëroi Ramën se protesta e 7 Korrikut është vetëm fillimi, pasi qeverisja e këtij të fundit ka kaluar çdo vijë të kuqe. Një tjetër paralajmërim i Berishës ishte ai për oligarkët, që sipas tij nuk do të gëzojnë paratë e marra nga tenderat që i japin përqindje Edi Ramës.
Zoti Alibeaj tha dje se protesta është për interesin tuaj personal, a po e përdorni ju këtë protestë për tu konfirmuar si opozitë përballë Edi Ramës, në një kohë që ai nuk iu njeh?
Berisha: Alibeaj lexon mesazhet e Ballës, nuk ka leverdi shikuesi që të merret me shkëmbimet Balla Alibasha. Edi Ramës i them që ky është vetëm fillimi, Edvin 7 Korriku është vetëm fillimi, të garantoj që fjala ime është fjalë. Ka kaluar çdolloj vije të kuqe, në trajtimin që iu bën shqiptarëve, në çdo firmë që lëshon ka një vjedhje.
A e morët vesh ju që pas Butrintit i erdhi radha Pallatit të Brigadave, që është një trashëgimi kulturore shumë e rëndësishme. Dhe tani Edi Rama ka zgjedhur që siç bëri me Butrintin, do të ndërtojnë përreth dhe defakto do ta shkatërrojnë atë. Iu bëj thirrje oligarkëve që të mos e inkriminojnë veten me Edi Ramën, është fatale ajo që bëni, sepse ka ligje në botë.
Nuk është kusht që të filmohesh kur dorëzon valixhen me euro.
Nuk do të gëzoni një pasuri që e keni ndarë me Edi Ramën dhe qeverinë e tij, ky është një zotim solemn, PD është e angazhuar për një platformë kundër korrupsionit.
(E.K/Faxweb.al)
Discussion about this post