Kreu i Partisë Demokratike, Lulzim Basha ka reaguar sëri ndaj komentit të bërë së fundmi nga kryeministri edi Rama ndërsa gjatë gjithë pasditës kanë replikuar me njëri-tjetrin për çështjen e maskave të skaduara që u denoncuan se janë shpërndarë në spitale.
Bashka shkruan se Rama ka një ministre Shëndetësie rrumpallë, përgatitja e qeverisë për koronavirusin sipas tij është rrumpallë dhe qeveria është rrumpallë, ndërsa shton se nuk është koha për të qeshur me kryeministrin.
“Të mbrosh mjekët dhe infermierët. Lëri batutat bajate, shtroju punës për të mbrojtur shëndetin e njerëzve! Ke zgjedhur ditën e gabuar të sulmosh opozitën. Bëhu burrë dhe prano përgjegjësitë e tua! Gjendja është shumë serioze! Boll u solle si klloun, nuk është koha për të qeshur me ty. Kur gishti tregon hënën, i marri tregon gishtin. @ediramaal ministria jote e Shëndetësisë është rrumpallë, përgatitja e qeverisë tënde për koronavirusin rrumpallë, qeveria jote rrumpallë. Mblidh veten. Boll duke u ankuar dhe duke fajësuar të tjerët për dështimet e tua. MERR MASA”, shkruan Basha.
