“Këkohen masa ekstreme”, Rama për paketën Anti-KÇK: Gjyqtarët dhe prokurorët brenda tre ditësh pezullohen nga puna

Kryeministri Edi Rama teksa ishte i pranishëm për të prezantuar paketën ligjore, Anti-KÇK, tek Reparti Renea ku janë stërvitur njësia OPERACIONI FORCA E LIGJIT.

Rama u shpreh se është një kohë kur duhet të merren masa ekstreme, ndërkohë që shtoi se personave të përfshirë në krimin e organizuar të cilët kanë vënë pasuri do t’ua bëjë atdheun e parehatshëm.

Rama po ashtu u shpreh se KÇK, parashikon kufizimin e lëvizjes jashtë vendit të këtyre personave, si dhe jashtë njësisë së tyre administrative.

Po ashtu Rama theksoi dhe një herë masat që do të merren ndaj krye gjykatësve dhe prokurorëve të korruptuar që godasin policinë pas shpine, ku u shpreh se paketa kërkon brenda tre ditësh pezullimin e tyre nga detyra dhe më pas hetimin.

“Një kohë ekstreme kërkohen masa ekstreme. Besoj se është vendi për ta përsëritur duke pasur parasysh këtë moment, këtë kohë kur jemi bërë gati për një përballje ekstreme me krimin e organizuar. Kur është ekstreme, është koha për ti dhënë një përgjigje dërrmuese krimit të orgnaizuar. Sot ne jemi këtu të gjithë së bashku për të përshendetur OFL, dhe për ta nxitur dhe uruar që të ketë sukses.

Kemi në dispozicion një instrument të fortë në duart e shtetit, të policisë së shtetit dhe në duart e OFL ligjin special për marrjen e masava të nevojshme pasurore ndaj atyre që në 30 vjet janë dënuar apo akuzuar për krim të oragnizuar dhe sot ndryshe nga më parë, ne kemi një garanci më shumë SPAK-un.

Duhet t’ua bëjmë të parehatshëm atdheun atyre që gjejnë shesh për bërë përshesh. E dinë edhe të gjithë drejtuesit e policisë së shtetit sesa shumë herë subjkte të këtij ligji janë hetuar dhe janë çuar para gjykate dhe i kanë nxjerrë gjuhën, të gjithë sakrificave dhe besimit tuaj në shtet, duke dalë të lirë pa u hyrë gjemb në këmbë. Për këto krime që parashikon ligji nga nesër duhet të paraqesin provat e burimit të pasurisë së tyre. E dini shumë mirë.

Paketa KÇK parashikon kufizimin e lëvizjes jashtë vendit, si dhe jashtë njësisë së tyre administrative. Paketa parashikon mos pjesmarrjen me ligj të tyre dhe të familjarëve të tyre në tenedera, apo në çdo lloj aktiviteti ku ka një qindarka nga taksat e qytetarëve. Këto nuk do të gëzojmë më asnjë licencë nga lincencat që kanë në dispozicion. Ose do të provojnë se të gjitha këto i kanë blerë duke shitur patate. Po na e provuan këtë ti gëzojnë.

E fundit është për gjykatësit dhe prokurorët e korruptuar që godasin policinë, jo me plumba por më keq se plumbi më çekiçin e drejtësisë dhe e godasin pas shpine. Paketa kërkon brenda  tre ditësh pezullimin e tyre nga detyra dhe më pas hetimin.”- tha Rama.