Mbrëmjen e kaluar pas protestës së zhvilluar nga banorët e Astirit, për mbrojtjen e banesave të tyre, policia ka arrestuar disa persona.
Ndërkohë ditën e sotme, pak para orarit të zakonshëm kur banorët nisin protestën e përditshme, tashmë prej më shumë se 1 viti, janë vënë re forca të shumta të policisë.
Megjithatë banorët janë shprehur të vendosur për të vijuar protestën e tyre, pavarësisht forcave të shumta të policisë, të cilat kanë rrethuar zonën.
“Kemi 1 vite që po këkrojmë dialog dhe nuk i kanë dhënë asnjë zgjidhje Unazës së Re. Situata këtu është një genocid ndaj Unazës së Re. Proetsta do të vazhdojë, shtëpiat do ti mbrojmë me jetë.Banorët po mblidhen edhe do vazhdojmë për ecurnë e protesetës.”- deklaroi ai për Fax News.
I pranishëm në protestë është edhe ish-deputeti Klevis Balliu, i cili deklaroi se protesta do të vijojë dhe se nuk do të ketë gjakderdhje në këtë zonë.
“Ky të nxjerrë tabulatët e tij telefonike. Një komunist i ndyrë kërkon gjakdershje. Ne do të jemi këtu çdo ditë. Nuk do të ndalojmë. Çdo ditë do të vijmë këtu. Gjakderdhje nuk ka këtu. Për protestën kemi marrë leje. Kjo është kauzë kombëtare, demokracia është për të gjithë. Edhe ju gazterët duhet të ishit në protestë, sepse gazetari i Shikajut është shoqëruar.”- u shpreh ai.
Ndërkohë në mbështetje të banorëve të Unazës së Re kanë mbërritur edhe protestuesit e mbrojtjes së Teatrit Kombëtar.
Discussion about this post